އެޕާރޓްމަންޓެއް ވިއްކާނެއްބާ

ނޯޓް: މިލިޔުމުގައި ސިފަކޮށްދީފައިވާ މަންޒަރުތަކާއި ވާހަކަތަކަކީ ޙަޤީޤި ހާދިސާތަކެއްގެ މައްޗަށް ބިނާކޮށް، ފޮނިތޮށްޓާއި ކާފޫރުތޮޅި އަޅައިގެން، ގެނެސްދީފައިވާ މަންޒަރުތަކާއި ވާހަކަތަކެކެވެ.

(ފޯނުން)

ގޭގެ ވެރިފަރާތް: ..........

އަހަރެން: އައްސަލާމް ޢަލައިކުމް

ގޭގެ ވެރިފަރާތް: .........

އަހަރެން: ހަލޯ!! ހަލޯ!! އަޑުއިވޭތަ؟

ގޭގެ ވެރިފަރާތް: (ރުންކުރު ފާޑަކަށް) އާނ. ކިހިނެތްވީ؟

އަހަރެން: އަޅުގަނޑު މިގުޅާލީ އައިބޭގައި ކުއްޔަށްދޭން އެޕާރޓްމަންޓެއް ޖަހާފަ އޮތީމަ އެތަން ބަލާލަންވެގެން

ގޭގެ ވެރިފަރާތް: މިރޭ އަށެއް ޖަހާއިރު އޮލިމްޕަސް ކުރިމައްޗަށް އާދޭ

އަހަރެން: އެންމެ ރަގަޅު. ޝުކުރި...

ގޭގެ ވެރިފަރާތް: (ފޯނު ބާއްވައިފި)

ރޭގަނޑު

(ފޯނުން)

ގޭގެ ވެރިފަރާތް: އާނ. ކީކޭ؟

އަހަރެން: ހަލޯ

ގޭގެ ވެރިފަރާތް: ކާކު ތީ؟

އަހަރެން: މިއަދު ހެނދުނު ގުޅީމެއްނު އަޅުގަނޑު. އެޕާރޓްމަންޓް ބަލަންވެގެން. އޮލިމްޕަސް ކައިރިއަށް އައިސް

ގޭގެ ވެރިފަރާތް: މިހާރު ބޭރުގަ. އަހަރެން އިރުކޮޅަކުން ގުޅާނަން

އަހަރެން: އާނ އޯކޭ

ޖެހިގެން އައި ދުވަހު ހެދުނު

(ފޯނުން)

އަހަރެން: ހަލޯ! ރޭގަ ކިހިނެއް ހެދީ؟

ގޭގެ ވެރިފަރާތް: ކީކޭ؟ ތީ ކީއްކުރާމީހެއް؟

އަހަރެން: އެޕާރޓްމަންޓް ކުއްޔަށްހިފަން. ރޭ ގުޅާނަމޭ ބުނީމެއްނު

ގޭގެ ވެރިފަރާތް: އެތަން މިހާރަކު ނެތް

އަހަރެން: އެއީ ކީއްވެތޯ؟

ގޭގެ ވެރިފަރާތް: އެހެންމީހަކަށް ކުއްޔަށްދީފިން

އަހަރެން: އައްދޭ! ތީދެން ވަރަށް ހެއްވާގޮތެއް. ދެން ނެތްތަ ކުއްޔަށް ދޭ ތަނެއް؟

ގޭގެ ވެރިފަރާތް: އާން ނެތް. (ފޯނު ބާއްވައިފި)

އިރުކޮޅެއްފަހުން

(ފޯނުން)

ގޭގެ ވެރިފަރާތް: ހަލޯ!

އަހަރެން: Hello. I saw your ad on iBay

ގޭގެ ވެރިފަރާތް: Hello hello. Yes it's available. I have many places for rent

އަހަރެން: Oh

ގޭގެވެރިފަރާތް: Very cheap price. I give you discount for furniture too

އަހަރެން: That's great! Tell me a good time to go check the place

ގޭގެ ވެރިފަރާތް: You tell time. I pick you on my cycle

އަހަރެން: Let's go now. I am near Olympus

ގޭގެ ވެރިފަރާތް: Good. I go now

އަހަރެން: Awesome! Thank you

ގޭގެ ވެރިފަރާތް: No no no. Thank you very much

އޮލިމްޕަސް ކައިރިން

އަހަރެން: (ސަލާމް ކޮށްލަން އަތްދިއްކޮށްލަމުން) ކޮބާ ކިހިނެތްތޯ؟

ގޭގެ ވެރިފަރާތް: އޭނ؟؟ ތީކާކު؟

އަހަރެން: އިއްޔެ ގުޅިމެންނުންތޯ އެޕާރޓްމަންޓް ކުއްޔަށްހިފަން

ގޭގެ ވެރިފަރާތް: އެހެންތަ؟

އަހަރެން: އާނ. ކޮބާ ނެތްތަތަނެއް މިހާރު؟

ގޭގެ ވެރިފަރާތް: އާނ. ނެތް ހަމަ. ވަރަށް ތާށި ތަންތަން.

އަހަރެން: އެކަމު ދެންމެ އަހަރެން ގުޅީމަ ތިބޭފުޅާ ބުނި އެބަހުއްޓޭ. އެތަން ދައްކަން އެމީހާ ބަލައެއްނު ތިޔައީ އަސްލު

ގޭގެ ވެރިފަރާތް: ކަލޭތަ ވާހަކަ ދެއްކީ އިނގިރޭސިބަހުން؟

އަހަރެން: އާނ. ތިބޭފުޅާ އަޅުގަނޑަށް ދޮގުހެދީނު

ގޭގެ ވެރިފަރާތް: އަހަރެން ދެނީ ހަމައެކަނި ބޭރުމީހުންނަށް

އަހަރެން: އަހަރެންވެސް ހަމަ އެވަރަށް ކުލި ދައްކަފާނަމޭ

ގޭގެ ވެރިފަރާތް: (އިރުކޮޅަކު ވިސްނަންހުރެފަ) ކުއްޔަށްދޭ އެޕާރޓްމަންޓަކީ ތިންސަތޭކަ އަކަފޫޓުގެ ތަނެއް.

އަހަރެން: ސިޓިންގ ރޫމެއް ހުރޭތަ؟

ގޭގެ ވެރިފަރާތް: އަސްލު މިއީ ކޮޓަރިއެއް. ކޮޓަރީގެ އެއްކޮޅުގަ ކައްކާ ކެވޭގޮތަށް ހަދާފަ ހުންނާނީ. ބޭނުމިއްޔާ ސޯފާ ބަހައްޓަންވީ

އަހަރެން: ފާހަނަޔޯ؟

ގޭގެ ވެރިފަރާތް: ފާހާނަ ހުންނާނީ ބޭރުގަ. އެއީ ޖެހިގެން ހުރި އެޕާރޓްމަންޓްގެ މީހުންވެސް ބޭނުންކުރާ ފާހާނާ

އަހަރެން: އެހެންދޯ؟ ކިތައްވަނަ ބުރި؟

ގޭގެ ވެރިފަރާތް: 6 ވަނަ ބުރި. ލިފެޓެއްނުހުރޭ

އަހަރެން: ހމމ...ކުައްޔަކީ..

ގޭގެ ވެރިފަރާތް: ކުއްޔަކީ މަހަކަށް އެންމެ 5000 ރުފިޔާ. އެޑްވާންސްއަކީ 480000 ރުފިޔާ

އަހަރެން: 480000 ރުފިޔާ!!

ގޭގެ ވެރިފަރާތް: އަސްލު ވާގޮތަކީ އެޕާރޓްމަންޓުގެ އަސްލު ކުއްޔަކީ 13000. ދެން އަހަރެން މަހަކު 5000 އަށް ހަދާފަ ބާކީ 8000 ފަސް އަހަރަށް ބަހާފަ މިނަގަނީ އެޑްވާންސަށް.

އަހަރެން: އޯކޭ

ގޭގެ ވެރިފަރާތް: ކަލޭ ފަރުނީޗަރު ބޭނުންތަ؟

އަހަރެން: އޭރުން ކުއްޔަކީ ކޮބާ؟

ގޭގެ ވެރިފަރާތް: ފުލީ ފާނިޝްކޮށްފަވިއްޔާ 20000 ރުފިޔާ. އެޑްވާންސް ހަމަ ކުރިޔެކޭ އެއްގޮތަށް 480000

އަހަރެން: މައްސަލައެއް ނެތް

ގޭގެ ވެރިފަރާތް: އެތަން ބޭނުމިއްޔާ އަހަރެން އެޑްވާންސް ލާރި ބޭނުންވާނެ މިހަފްތާނގަ. ތަން ލިބޭނީ ތިން މަސް ފަހުން

އަހަރެން: ކީކޭ؟؟!

ގޭގެ ވެރިފަރާތް: އާނ. އެތަން ހުސްވާނީ ތިން މަސް ފަހުން. ދެން ކަލޭ ބޭނުމިއްޔާ ތަން ރެނޮވޭޓް ކުރަންވީ

އަހަރެން: އޭރުން ކުލިން އެހެންނޫނީ އެޑްވާންސް އިން ކަނޑާނަންތަ؟

ގޭގެ ވެރިފަރާތް: ނޫން. ރެނޮވޭޝަނަށްދާ ފައިސާ ކަލެޔަށް އަނބުރާ ދޭނަން ކުށްޔަށްދޭ މުއްދަތު ހަމަވީމަ.

އަހަރެން: ތިކަމާ ކުޑަކޮށް ވިސްނާލަންޖެހޭނީ

ގޭގެ ވެރިފަރާތް: އަވަހަށް ވިސްނާ. އެހެންމީހަކުވެސް އެބަހުރި މިތަން ބޭނުންވާ. އޭނާ އެބަ ބުނޭ އެއްފަހަރާ ފަސް ލައްކަވެސް ދީފާނަމޭ. އެކަމު އެއީ ދެން ރާއްޖެތެރޭ ބޮޑު އާއިލާއެއް. މުޅި ގެ ހީވާނީ ގޮޑެއްހެން އެމީހުން އައިސް.

އަހަރެން: އެހެންވީމާ އެގްރީމެންޓްގަ ސޮއިކުރަން ވީމަ ގުޅާ

ދެ ދުވަސް ފަސް

(ފޯނުން)

ގޭގެ ވެރިފަރާތް: އޭ. މިހާރު އެބަހުރި އެއްފަހަރާ 9 ލައްކަ ދީފަ އެތަން 10 އަހަރަށް ނަގަން ބޭނުންވާ މީހެއް. ކަލޭ އަދިވެސް އެތަން ބޭނުންތަ؟